Молитва святому Михаилу Архангелу

Молитва святому Михаилу Архангелу
О, Господи Боже, Великий Царю Безначальный! Пошли, Господи, Архангела Твоего Михаила на помощь рабу Твоему (рабам Твоим) (имя) изъяти мя от враг моих видимых и невидимых.
О, Господень Михаиле Архангеле! демонов сокрушителю: запрети всем врагам борющимся со мною, сотвори их, яко овцы и сокруши их, яко прах пред лицем ветра.
О, Господень Великий Архангеле Михаиле! Шестокрылатых первый княже и Воеводо Небесных Сил Херувим и Серафим.
О, Господень угодниче Михаиле Архангеле, Хранителю неизреченный, буди ми великий помощник во всех обидах, в скорбях, в печалях; в пустынях, на распутьях, на реках и на морях - тихое пристанище.
Избави мя, Великий Михаиле Архангеле, от всякия прелести лукавыя диавольския, егда услышишь мя грешнаго раба Твоего (имя), молящегося Тебе и призывающего имя Твое святое: ускори на помощь мне и услыши молитву мою.
О, великий Архангеле Михаиле! Победи вся противящееся мне силою Честнаго и Животворящаго Небеснаго Креста Господня, молитвами Пресвятыя Богородицы, святых наших Ангелов-Хранителей, Небесных покровителей и Всех святых Небесных Сил Бесплотных, святых Апостолов и Евангелистов, святителя Николая Чудотворца, святых пророков Божиих- Исайи и Илии; святого Андрея Юродивого, Преподобных Серафима Саровского и Сергия Радонежского, святых великомучеников : Георгия Победоносца, Никиты и Евстафия, Целителя Пантелеимона; великомучениц Екатерины и Варвары; святых Царственных Мучеников, преподобномученицы великия княгини Елисаветы, святителя Тихона патриарха Московского со всеми новомучениками и исповедниками Российскими; преподобных отец Киево-Печерских, Почаевских, Радонежских, Оптинских, Дивеевских, Афонских, ; преподобных отцев Антония Великаго, Павла Фивейского, Макария, Паисия, Онуфрия; Великих вселенских учителей и святителей – Василия Великого, Григория Богослова, Иоанна Златоустаго, святителей Московских: Петра, Алексия, Ионы, Макария, Филиппа и Ермогена, святых мученик и мучениц, и всех Святых всех времен. Аминь.

О, Великий Архангеле Михаиле , помози мне, грешному рабу твоему (имя рек), избави мя от труса, потопа, от огня и меча, от напрасныя смерти и всякаго зла; и от всякаго врага льстивого и от бури наносимыя, и от лукавого избави мя, Великий Архангеле Господень, всегда, ныне и присно, и во веки веков. Аминь.

Cвятый Архангеле Божий Михаиле, если мои сродники (имена усопших...) находятся в огненном озере, то выведи их из вечного огня своим благословенным крылом и приведи их ко Престолу Божию и умоли Господа нашего Иисуса Христа чтобы простил им их грехи.